ဆားလင်းကြီး၊မတ်-၂၈
စစ်ကိုင်းတိုင်းဒေသကြီး၊ မုံရွာခရိုင်၊ ဆားလင်းကြီးမြို့နယ်၊ဒုန်းတောကျေးရွာနေ အရွယ်မရောက်သေးသည့် မိန်းကလေးငယ်တစ်ဦးကို ရွာအနီးရှိ မြန်မာ-ကမ်စီကြေးနီထုတ်လုပ်ရေးကုမ္မဏီဝန်ထမ်းတစ်ဦးက ခိုးယူပေါင်းသင်းခဲ့သည့် ဖြစ်မှုတစ်ခုကို မတ်လ ၂၈ ရက်မနက် ၁၀ နာရီ၄၅ မိနစ်အချိန်ခန့်က သက်ဆိုင်ရာက ဥပဒေအရရေးယူဆောင်ရွက်လျက်ရှိကြောင်း ဆားလင်းကြီးမြို့နယ်သို့ရောက်ရှိနေသူ ယင်းကုမ္မဏီရှိအမည်မဖော်လိုသူ ၀န်ထမ်းတစ်ဦးက ပြောကြားသည်။
“ဒုန်းတောရွာထဲက ဒေါ်စိန်ရဲ့ သား မောင်သန်းဇော်ထိုက်နဲ့ သမီး မအေးအေးခိုင်တို့မောင်နှမနှစ်ယောက်က ဒီလ ၁၆ ရက်နေ့မွန်းလွဲအချိန်လောက်မှာ အဝေရာတောဘက်ကို နွားကျောင်းသွားခဲ့တာ။ မအေးအေးခိုင်ကို လူကြီးတစ်ယောက်က တောထဲမှဆွဲခေါ်သွားလို့ဆိုပြီး မောင်ဖြစ်တဲ့ မောင်သန်းဇော်ထိုက်ကရွာပြန်လာပြောတယ်။ ရွာကလူတွေတောထဲကိုလိုက်သွားရှာကြတော့ မအေးအေးခိုင်ကိုတွေ့ခဲ့ကြတယ်”ဟု ဒုန်းတောကျေးရွာသားတစ်ဦးက ပြောကြားသည်။
“ဒီသတင်းက ချက်ချင်းပြန့်သွားတယ်။ အချို့လူငယ်တွေက ဘယ်ကကောင်လဲ၊ ဘာကောင်လဲဆိုပြီး တောက်တစ်ခေါက်ခေါက်နဲ့ဖြစ်ကြတယ်။ အရင်တုန်းက ရွာဘက်မှာဒီလိုကိစ္စမျိုးတွေမရှိခဲ့ဘူး” ဟုမုံရွာ-ပုသိမ်ကားလမ်းအနီးဥယျာဉ်ခြံလုပ်ကိုင်နေသူဒုန်းတောရွာသားတစ်ဦးက ပြောကြားသည်။
အဆိုပါ ဖြစ်မှုဖြစ်စဉ်နှင့် ပတ်သက်၍ သက်ဆိုင်ရာဒေသခံလူ့အဖွဲ့အစည်းအချို့ထံဆက်သွယ်မေးမြန်းခဲ့သော်လည်း တုန့်ပြန်ပြောဆိုရန် အခက်အခဲရှိကြောင်း၊ ပြောပြဖို့ရန်လည်း အလျင်းမသင့်ကြောင်း၊ အခင်းဖြစ်ပွားမှုအားကြားမိကြောင်း၊ အချက်အလက်စုံလင်စွာမသိရသေးပါကြောင်း ပြောဆိုသည်။
ယင်းဖြစ်မှုဖြစ်စဉ်နှင့် ပတ်သက်၍ ဆားလင်းကြီးရဲစခန်း(ပ)၆၉/၂၀၁၂-ပြစ်မှုပုဒ်မ ၃၆၃ အရအမှုရေးဖွင့်ဆောင်ရွက်လျက်ရှိကြောင်း၊ အမှုအား ရဲအုပ်လှငွေဆိုသူက စစ်ဆေးလျက်ရှိကြောင်း၊ ပြစ်မှုကျူးလွန်သူဟု စွပ်စွဲခြင်းခံရသူမှာ မြန်မာ-ယမ်စီကြေးနီထုတ်လုပ်ရေးကုမ္မဏီလုံခြုံရေးဝန်ထမ်းဖြစ်သူ ယင်းမာပင်မြို့နယ်၊ သဲတောကျေးရွာနေ(ဘ)ဦးငွေအေး၏သားမောင်ခင်ဇော်လတ် အသက် ၂၄ နှစ်ဆိုသူဖြစ်ကြောင်း သက်ဆိုင်ရာမှ တာဝန်ရှိသူတစ်ဦးက ပြောကြားသည်။
The Express Times
No comments:
Post a Comment